Зяленскі прыбыў у Канаду

• 27.12.2025, 21:03

Прэзідэнт Украіны сустрэнецца з прэм’ер-міністрам краіны.

Прэзідэнт Украіны Уладзімір Зяленскі у суботу, 27 снежня, прыбыў у Канаду. Пра гэта журналістам паведаміў спікер прэзідэнта Украіны Сяргей Нікіфараў.

«Прыбылі ў Галіфакс», — сказаў Нікіфараў журналістам у суботу.

Нагадаем, раней сёння Зяленскі анансаваў свой візіт у Канаду. Ён адбудзецца перад яго сустрэчай з прэзідэнтам ЗША Дональдам Трампам.

Паводле слоў Зяленскага, ён павінен сустрэцца з прэм’ер-міністрам Канады Маркам Карні, а таксама правесці анлайн-сустрэчу з лідарамі Еўропы. Пасля гэтага ён накіруецца ў Фларыду, ЗША.

— Мы спынімся ў Канадзе, у мяне будзе сустрэча з прэм’ер-міністрам Канады Карні. Абмяркуем усе пытанні, праінфармуем, абмяняемся тымі дэталямі тых дакументаў, пра якія я буду гаварыць з прэзідэнтам ЗША, — сказаў Зяленскі журналістам у суботу.