Зяленскі вылецеў у ЗША на сустрэчу з Трампам

• 27.12.2025, 14:53

Па дарозе запланаваныя яшчэ адны перамовы ў Канадзе.

Прэзідэнт Украіны Уладзімір Зяленскі анансаваў сустрэчу з прэм'ер-міністрам Канады Маркам Карні, а таксама анлайн-сустрэчу з лідарамі Еўропы на шляху ў Фларыду.

Як паведамляе РБК-Украіна, пра гэта ён паведаміў падчас размовы з журналістамі.

«Так, цяпер мы ў самалёце на шляху ў Фларыду, Злучаныя Штаты Амерыкі. Па дарозе мы спынімся ў Канадзе, у мяне будзе сустрэча з прэм'ер-міністрам Канады Карні», — распавёў ён.

Паводле яго слоў, таксама плануецца анлайн-размова з лідарамі Еўропы.

«Мы абмяркуем усе пытанні, праінфармуем, абменяемся тымі падрабязнасцямі тых дакументаў, пра якія я буду гаварыць з прэзідэнтам Злучаных Штатаў Амерыкі», — сказаў Зяленскі журналістам у суботу.

Прэзідэнт Украіны таксама дадаў, што будзе падымаць з лідарамі сенсацыйныя пытанні, якія ёсць у гэтых дакументах.