Мядзведзеў апазорыўся

• Аляксандр Каваленка
• 27.12.2025, 13:03

І раскрыў важны сакрэт акупантаў.

Можна па-рознаму ацэньваць хворую эпісталяршчыну, якую рэгулярна выплёсквае Дзмітрый Мядзведзеў у сацыяльных сетках, але час ад часу ён паведамляе надзвычай займальныя лічбы, якія часам кардынальным чынам адрозніваюцца ад заяў Пуціна, але пры гэтым значна больш рэалістычныя.

Так, некалькі дзён таму Дзмітрый Мядзведзеў на пасяджэнні Саўбеза Расіі паведаміў, што ў 2025 годзе расійская армія прыцягнула 417 000 кантрактнікаў і 36 000 добраахвотнікаў, або, разам, 453 000 целаў.

Нагадаю, што ў 2025 год РОВ увайшлі з колькасцю крыху больш за 600 000 целаў, давялі гэты паказчык да 710 тысяч і ўжо як паўгода агульная колькасць кардынальным чынам не змяняецца.

Пры гэтым на момант напісання гэтай нататкі страты РОВ у 2025-м складаюць 411 110. Раней я ўжо пісаў, што паводле маіх разлікаў, у 2025 годзе страты РОВ будуць у межах 415 тыс. целаў +/- або…

Ці, іншымі словамі, практычна ўся кантрактная частка мабілізацыі РОВ за гэты год будзе сцёртая ў нуль.

У сваю чаргу, добраахвотнікі, рэзервісты, а таксама найміты — гэта менавіта тое, што дазволіла РОВ на пачатку першай паловы 2025-га давесці агульную колькасць да 710 тысяч целаў, але далей прагрэсу няма. Патэнцыялу для павелічэння ўгрупавання не хапае, яго хапае толькі на кампенсацыю страт у нуль.

Такім чынам, Дзмітрыю Мядзведзеву можна ўручыць падзяку ад СБУ або ГУР МО за тое, што сваім дакладам на Саўбезе ён фактычна агучыў не ўра-патрыятычную лухту, а раскрыў сістэмныя праблемы, якія ўзніклі сёлета ў РОВ з павелічэннем угрупавання і мабілізацыяй, што не дазваляе кампенсаваць страты ў плюс, а ўжо паўгода стагнуе ў пазіцыі — нуль.

Аляксандр Каваленка, «Тэлеграм»