У Лаўрова заявілі, што ў новым годзе Расія зоймецца «абаронай рускіх» па ўсім свеце

• 27.12.2025, 9:55

З падобных наратываў пачалося ўварванне ў Крым і на Данбас.

Расія ў 2026 годзе збіраецца змагацца з «неакаланіялізмам» і абараняць рускамоўных людзей, «дзе б яны ні заявіў намеснік кіраўніка МЗС РФ Сяргей Рябкоў. Паводле яго слоў, ключавой задачай знешняй палітыкі краіны стане ўмацаванне яе бяспекі «ў усіх сэнсах».

«Нягледзячы на адлегласці, якія аддзяляюць Расію ад тых ці іншых краін, паглыбленне нашага саюзніцтва з суседзямі, клопат і абарона рускіх і рускамоўных, якія жывуць [будуць у цэнтры нашай працы]. Дзе б яны ні знаходзіліся, яны павінны адчуваць сябе пад абаронай Радзімы», — паведаміў Рябкоў у інтэрв'ю «Расіі-1». Ён выказаў надзею, што ў 2026 годзе па ўсіх гэтых напрамках Масква дасягне поспехаў.

Заходнія палітыкі і разведкі з пачатку вайны ва Украіне рэгулярна папярэджваюць, што Крэмль мае намер напасці на адну або некалькі краін НАТА ўжо ў бліжэйшыя гады. У чэрвені кіраўнік Федэральнай службы выведкі Германіі (BND) Бруна Каль заяўляў, што Масква можа ўчыніць правакацыю ў краінах Балтыі, абгрунтаваўшы гэта «абаронай рускамоўнага насельніцтва».

Ён прывёў у прыклад аперацыю РФ па анексіі Крыма ў 2014 годзе і адзначыў, што Расіі дастаткова накіраваць у Эстонію «зялёных чалавечкаў» для абароны нібыта рускамоўнай меншасці. Так, адзначаў Каль, прэзідэнт Уладзімір Пуцін паспрабуе праверыць рашучасць НАТА ў абароне сваіх саюзнікаў.

Напрыканцы кастрычніка кіраўнік Мінабароны Бельгіі Тэа Франкен заявіў, што ад Масквы не варта чакаць паўнамаштабнага ўварвання на тэрыторыю НАТА, але можа рэалізавацца сцэнар «шэрай зоны» з задзейнічаннем сваіх падраздзяленняў, якія настройваюць рускамоўную меншасць у Эстоніі супраць «нацысцкага рэжыму». «Не паспееш азірнуцца, як яны ўжо анексавалі кавалак Эстоніі», — казаў кіраўнік ведамства.