У Мінску адбылося буйное ДТЗ

• 26.12.2025, 20:47

На праспекце Дзяржынскага сутыкнуліся чатыры аўтамабілі, ёсць пацярпелыя.

Два чалавекі атрымалі траўмы ў аварыі, якая адбылася ўдзень 26 снежня на праспекце Дзяржынскага ў Мінску, паведамілі ў ДАІ.

Паводле даных інспектараў, паблізу дома № 115 сутыкнуліся чатыры аўтамабілі: Peugeot, Mercedes, Volkswagen і Hyundai. Прычынай ДТЗ стала невыкананне бяспечнай дыстанцыі.

У выніку аварыі 32-гадовы кіроўца Mercedes і яго 33-гадовы пасажыр атрымалі траўмы і былі дастаўленыя ў бальніцу для абследавання.