ЗСУ разграмілі пункт дыслокацыі спецназа ГРУ

• 26.12.2025, 19:44

Паражаныя ключавыя ваенныя аб’екты.

Сілы беспілотных сістэм Узброеных Сіл Украіны паразілі шэраг аб’ектаў расійскіх акупантаў на часова акупаваных украінскіх тэрыторыях. Сярод іншага знішчаны камандны пункт і месца дыслокацыі спецназаўцаў ГРУ РФ.

Пра гэта паведамляе Telegram СБС ЗСУ.

Адзначаецца, што аператары 1-га асобнага цэнтра СБС здзейснілі серыю «мідлстрайкаў» па расійскіх аб’ектах на часова акупаваных тэрыторыях Украіны. Сярод іншага, аператары СБС паразілі:

камандны пункт і месца дыслокацыі спецназаўцаў 14-й брыгады ГРУ Расіі ў Данецкай вобласці;

склады і рамонтную базу расійскай ваеннай тэхнікі ў Данецкай вобласці;

радыёлакацыйную станцыю «Небо» на часова акупаваным Крыме;

месца дыслокацыі хуткасных дэсантных катэраў расійскага флоту на часова акупаваным Крыме.

«Сілы беспілотных сістэм паслядоўна зніжаюць здольнасці ворага працягваць агрэсію супраць Украіны», — адзначаецца ў паведамленні.