Байцы ГУР спалілі ў Крыме пускавую ўстаноўку С-300 і іншую тэхніку расіян

• 26.12.2025, 17:58

Відэафакт.

Байцы спецпадраздзялення Галоўнага ўпраўлення разведкі Міністэрства абароны Украіны «Прывіды» напярэдадні Калядаў спалілі сродкі супрацьпаветранай абароны, радыёлакацыйныя сістэмы і іншую тэхніку арміі РФ у акупаваным Крыме.

Пра гэта паведаміла прэс-служба ГУР МА Украіны ў пятніцу, 26 снежня.

Паводле дадзеных разведкі, вайскоўцы паспяхова ўразілі:

пускавую ўстаноўку комплексу С-300В;

радыёлакацыйную сістэму РСП-6М2;

камандна-штабную машыну «Редут-221» са складу ЗРК «Бук-М3»;

радыёлакацыйную станцыю РПН 9С36М са складу ЗРК «Бук-М3».