Муж-расіянін ледзь не давёў беларуску да разводу адной фразай

• 26.12.2025, 15:18

Уся справа ў бульбе.

У сеціве абмяркоўваюць гісторыю сямейнай пары: жонка родам з Беларусі прыгатавала мужу, які вырас у Расіі, традыцыйныя дранікі з мясам (тыя самыя калдуны). Але рэакцыя мужа прывяла жанчыну ў шок — ён назваў страву «чабурэкамі з бульбы», — піша тэлеграм-канал «Хартыя-97%». Яна пажартавала, што гатовая з ім развесціся.

Беларускі сегмент інтэрнэту стаў на абарону нацыянальнай каштоўнасці. Каментатары не стрымліваюць эмоцый:

«Скажыце яму, што за такое ў нас прадугледжана дэпартацыя!»

«Служба хуткіх разводаў ужо павінна была выехаць па адрасе».

«Спадзяюся, вы здалі яго міліцыі для перавыхавання ў калоніі строгога рэжыму?»