Трамп загадаў нанесці ўдар па ІДІЛ у Нігерыі

• 26.12.2025, 8:45

З-за гвалту супраць хрысціянаў.

Прэзідэнт ЗША Дональд Трамп абвясціў, што Злучаныя Штаты нанеслі ўдары па ІДІЛ у Нігерыі, спасылаючыся на напады на хрысціянаў у рэгіёне.

Пра гэта паведамляе выданне The Hill са спасылкай на паведамленне Дональда Трампа ў сацыяльнай сетцы Truth Social.

«Сёння ўвечары, па маім загадзе як Вярхоўнага галоўнакамандуючага, Злучаныя Штаты нанеслі магутны і смяротны ўдар па тэрарыстычных адкідах ІДІЛ на паўночным захадзе Нігерыі, якія пераследавалі і жорстка забівалі, галоўным чынам, невінаватых хрысціянаў, у маштабах, якіх не было шмат гадоў і нават стагоддзяў», — гаворыцца ў нататцы Трампа.

Афрыканскае камандаванне ЗША (AFRICOM) паведаміла, што ў выніку удараў былі знішчаныя некалькі «тэрарыстаў ІДІЛ».

«Смяротныя ўдары супраць ІДІЛ дэманструюць сілу нашых вайскоўцаў і нашу адданасць справе ліквідацыі тэрарыстычных пагроз супраць амерыканцаў унутры краіны і за мяжой», — гаворыцца ў паведамленні.

Трамп успомніў сваю заяву ў лістападзе, у якой ён пагражаў Нігерыі ваеннай сілай, калі краіна не прыме меры для спынення гвалту супраць хрысціянаў.

«Я ўжо раней папярэджваў гэтых тэрарыстаў, што калі яны не спыняць разню хрысціянаў, іх чакае пекла, і сёння ўвечары яно ўжо было», — напісаў ён.