Беларуса аштрафавалі за абразу былой жонкі ў перапісцы

• 25.12.2025, 22:25

Колькі каштуе нагрубіць былой?

У Бабруйску перапіска паміж былымі сужэнцамі скончылася адміністрацыйнай справай. Яны абмяркоўвалі ў мэсэнджары аліменты на дзяцей і старыя даўгі. Аднак у адным з паведамленняў былы муж перайшоў на асабістыя абразы і ўжыў слова, якое прыніжае гонар і годнасць былой жонкі.

Жанчына звярнулася ў міліцыю з просьбай прыцягнуць мужчыну да адказнасці. Па факце інцыдэнту ў ўпраўленні Дзяржаўнага камітэта судовых экспертыз па Магілёўскай вобласці правялі лінгвістычную экспертызу. Эксперт прыйшоў да высновы, што ў паведамленні змяшчаецца негатыўная ацэнка асобы адрасата ў ненарматыўнай форме.

Суд прызнаў мужчыну вінаватым у абразе і прызначыў яму штраф. Які менавіта — не ўдакладняецца.