Польшча закрывала частку паветранай прасторы

• 25.12.2025, 18:20

З-за аб’ектаў, што прыляцелі з Беларусі.

У Польшчы з-за аб’ектаў, якія ляцелі з боку Беларусі, уначы з 24 на 25 снежня закрывалі частку паветранай прасторы. Пра гэта гаворыцца ў паведамленні Аператыўнага камандавання відаў Узброеных Сіл.

На працягу ночы былі заўважаныя аб’екты, што ўваходзілі ў польскую паветраную прастору з боку Беларусі.

«Пасля дэталёвага аналізу было ўстаноўлена, што гэта, хутчэй за ўсё, кантрабандныя паветраныя шары, якія рухаюцца па напрамку і хуткасці ветру. Палёт усіх аб’ектаў бесперапынна адсочваўся радыёлакацыйнымі сістэмамі», — гаворыцца ў паведамленні ведамства.

У мэтах бяспекі частка паветранай прасторы над Падляскім ваяводствам была часова закрытая для грамадзянскіх палётаў.