У Беларусь забаранілі ўвоз феерверкаў

• 25.12.2025, 10:14

Але толькі для фізічных асоб.

Ўвоз феерверкаў з-за мяжы для фізічных асоб у Беларусі цяпер забаронены. Пра гэта паведаміла прэс-служба мытных органаў краіны.

У ведамстве растлумачылі, што піратэхнічныя вырабы адносяцца да катэгорыі спецыфічных тавараў і з'яўляюцца аб'ектамі экспартнага кантролю. З гэтай прычыны яны не ўключаныя ў пералік тавараў для асабістага карыстання, устаноўлены Рашэннем Савета ЕЭК № 107.

Спроба незаконнага ўвозу піратэхнікі пацягне адміністрацыйную адказнасць паводле ч. 1 арт. 15.5 КаАП Беларусі.

Права на ўвоз піратэхнічных вырабаў маюць толькі юрыдычныя асобы і індывідуальныя прадпрымальнікі — пры наяўнасці ўсіх неабходных дазвольных дакументаў і пры строгім захаванні ўстаноўленага парадку.