Маскву атакавалі украінскія дроны

• 25.12.2025, 10:00

Іх нібыта было восем.

У ноч на чацвер, 25 снежня, на Маскву ляцелі восем беспілотнікаў, заявіў мэр расійскай сталіцы Сяргей Сабянін.

Каля 02:00 па Мінску Сабянін паведаміў, што супрацьпаветраная абарона «знішчыла» чатыры дроны, якія атакавалі Маскву.

У наступныя паўгадзіны ён заявіў пра нібыта знішчэнне яшчэ чатырох БПЛА.

Мэр расійскай сталіцы адзначыў, што спецыялісты экстрэнных службаў працуюць на месцы «падзення абломкаў».

У той жа час Мінабароны краіны-агрэсара Расіі заявіла пра «перахоп і знішчэнне» дзевяці беспілотнікаў над тэрыторыяй Маскоўскага рэгіёна.

Мінабароны таксама сцвярджае, што ўсяго за ноч СПА «збіла» 141 дрон над 11 рэгіёнамі РФ, а таксама над часова акупаваным Крымам і акваторыяй Азоўскага мора.