У Нацыянальны мастацкі музей на Каляды можна схадзіць бясплатна

• 24.12.2025, 21:15

Музей будзе працаваць з 13.00 да 21.00.

На Каляды, 25 снежня, у Нацыянальны мастацкі музей будзе свабодны ўваход. Пра гэта паведамляецца на сайце музея.

У музеі можна будзе паглядзець асноўную экспазіцыю і бягучыя выставы, а таксама наведаць канцэрт «Навагодні Чайкоўскі». Музей будзе працаваць з 13.00 да 21.00, каса — да 20.30.

Пры гэтым у музеі адзначаюць, што бясплатны ўваход не распаўсюджваецца на экскурсійнае абслугоўванне і зборную інтэрактыўную праграму «Каляднымі сцежкамі».