ГУР ліквідавала ў Маскве паліцэйскіх, якія катавалі ўкраінцаў

• 24.12.2025, 13:54

У акно іх машыны кінулі выбуховае прыстасаванне.

У ноч на 24 снежня на вуліцы Елецкай у Маскве загінулі двое супрацоўнікаў Міністэрства ўнутраных спраў Расіі. Як сцвярджаюць крыніцы «РБК-Україна» у Галоўным упраўленні разведкі Мінабароны Украіны, загінулыя раней удзельнічалі ў вайне супраць Украіны і былі датычныя да катаванняў украінскіх ваеннапалонных.

Паводле інфармацыі суразмоўцаў выдання, каля першай гадзіны ночы мясцовы жыхар, які заявіў пра нязгоду з палітыкай Крамля, напаў на супрацоўнікаў сілавога ведамства. Ён падышоў да службовага аўтамабіля паліцыі, што знаходзіўся побач з паліцэйскім участкам, і кінуў у акно машыны выбуховае прыстасаванне, пасля чаго адбыўся выбух.

У выніку інцыдэнту двое расійскіх паліцэйскіх загінулі на месцы, яшчэ двое атрымалі цяжкія раненні і былі гаспіталізаваныя, паведамілі крыніцы ў ваеннай разведцы.

У ГУР таксама заяўляюць, што загінулыя супрацоўнікі МУС раней удзельнічалі ў баявых дзеяннях у складзе расійскіх акупацыйных падраздзяленняў. Акрамя таго, паводле дадзеных украінскага боку, маюцца доказы іх датычнасці да катаванняў украінскіх ваеннапалонных, што, як адзначаецца, з'яўляецца парушэннем Жэнеўскіх канвенцый і нормаў міжнароднага гуманітарнага права.