Беларусь — апошняя ў Еўропе па выкарыстанні ШІ

• 24.12.2025, 13:08

Наша краіна займае толькі 121-е месца ў свеце.

Даследчыкі аналітычнага цэнтра Oxford Insights у сваім дакладзе Government AI Readiness Index ацанілі гатоўнасць урадаў 195 краін укараняць і выкарыстоўваць ШІ ў дзяржаўных працэсах, эканоміцы і грамадстве.

У Беларусі сітуацыя больш чым сумная.

Яна — найгоршая ў Еўропе паводле сукупнасці ўсіх параметраў, у якія ўваходзяць інстытуцыйная здольнасць, кіраванне і рэгуляванне, інфраструктура для ШІ, укараненне ШІ ў дзяржаўным сектары, распрацоўка і распаўсюджванне ШІ і ўстойлівасць, — піша Devby.io са спасылкай на даследаванне.

У свеце Беларусь займае 121-е месца паміж Каба-Вердэ і Трынідад і Табага.

Першае месца ў Government AI Readiness Index занялі ЗША, апярэдзіўшы іншых лідэраў ШІ — Злучанае Каралеўства, Францыю, Нідэрланды, Германію і Кітай.