Крэмль пстрыкнуў Лукашэнку па носе

• 24.12.2025, 11:11

Расійскія СМІ выдаляюць заяву Мінабароны Беларусі пра «Арэшнік».

ТАСС ануляваў навіну пра тое, што Беларусь сама зможа вызначаць мэты для расійскага ракетнага комплексу «Арэшнік», размешчанага на яе тэрыторыі, звярнуў увагу The Insider.

«Навіна «Беларусь у выпадку неабходнасці будзе самастойна вызначаць мэты «Арэшніка», апублікаваная на tass.ru ў 17:24 мск, АНУЛЮЕЦЦА ў сувязі з памылковай публікацыяй і зняццем матэрыялу тэлеканалам. ТАСС прыносіць прабачэнні сваім падпісчыкам і чытачам», — гаворыцца ў паведамленні на сайце.

Аналагічныя навіны таксама зніклі з сайтаў іншых расійскіх СМІ. Адпаведны сюжэт таксама прыбралі з сервісу «Смотрим.ру», які дазваляе глядзець перадачы расійскіх тэлеканалаў. Судзячы з паведамлення на сайце «Бизнес Online», крыніцай выдаленай навіны было паведамленне Мінабароны Беларусі.