На рынку нерухомасці ў Беларусі зафіксавалі пачатак абвалу

• 23.12.2025, 12:22

У чым справа?

На рынку нерухомасці з’явіліся прыкметы абвалу, лічыць эксперт Мікалай Тукін. Паводле ягоных слоў, гэта прыкметна па колькасці здзелак, што скарачаецца. А вось падзення цэн з-за падобнай сітуацыі пакуль не назіраецца.

«Можна сказаць, што на рынку пачалося ўжо нешта больш цікавае, чым проста штомесячнае павышэнне цэн, якое мы назіралі апошнія месяцы. А пачалося ў нас нешта падобнае на абвал, — адзначае аналітык. — Але пакуль, вядома, не па цэнах, як, напэўна, усе б хацелі, а толькі па здзелках».

Па яго меркаванні, скарачэнне колькасці продажаў «пра нешта ўжо кажа».

«Я думаю, што рынак ужо проста ахрэневае ад таго, куды гэтыя цэны зашкалілі. Ну і большасць людзей ужо проста не можа сабе дазволіць гэтыя цэны, або проста іх не вельмі разумее, — дадае аналітык. — Ну або, вядома, ёсць варыянт, што ўсе здзелкі проста перайшлі на кастрычнік, дзе быў такі, тыпу, уздым».

Аналітык прапануе паглядзець, чым скончыцца гэты год. «Але пакуль лістападаўскія даныя кажуць нам пра тое, што цалкам магчыма, мы на парозе грандыёзнага шухеру ў нерухомасці», — падсумаваў эксперт.