Расійскія прапагандысты выдалі Z-вайсковага карэспандэнта за журналіста BBC

• 23.12.2025, 9:41

Стыў Розэнберг раскрыў падман.

Расійская прапагандыстка перад прамой лініяй з Уладзімірам Пуціным узяла інтэрв’ю ў мужчыны. Яна заявіла, што гэта — вядомы брытанскі журналіст, супрацоўнік BBC Стыў Розэнберг.

Вядучая спрабавала прадэманстраваць падчас выступу Уладзіміра Пуціна мноства замежных журналістаў. «Казалі пра тое, што акрэдытавана вельмі шмат журналістаў, у тым ліку замежных… Сёння тут мы бачым і Стывэна Розэнберга. Зараз паглядзім, у нас таксама драты, можа, атрымаецца падысці», — заявіла расійская прапагандыстка, падышоўшы да нейкага мужчыны.

«Стыў, вітаю. Добры дзень. Скажыце, калі ласка, якая гэта ўжо прамая лінія, якая прэс-канферэнцыя ў Уладзіміра?» — спытала журналістка ў незнаёмца. На гэта той адказаў: «Не першая».

«Не першая. Вось у Стыва была магчымасць ужо нават не раз задаць пытанне», — падсумавала размову з невядомым мужчынам супрацоўніца Першага канала.

Аднак высветлілася, што гэта быў зусім старонні чалавек. Сапраўдны Стыў Розэнберг пазней напісаў у сацсетцы X, што гэта быў не ён.

Высветлілася, што прапагандысты спрабавалі выдаць за Розэнберга Z-вайсковага карэспандэнта.