Трамп абвясціў аб будаўніцтве караблёў класа «Трамп»

• 23.12.2025, 9:00

Яны будуць несці гіпергукавую зброю.

Ваенна-марскія сілы ЗША распрацуюць новы клас баявых караблёў пад назвай «Трамп» і пабудуюць два лінкары — «найбуйнейшыя з калі-небудзь створаных», абвясціў прэзідэнт ЗША Дональд Трамп, выступаючы са сваёй рэзідэнцыі ў Мар-а-Лага, піша «Нямецкая хваля».

Будаўніцтва першага лінкора, USS Defiant («Непакорны»), запланавана на пачатак 2030-х гадоў — цяпер ён знаходзіцца на стадыі праектавання. Паводле слоў Трампа, лінкары стануць часткай новага «залатога флоту» сучасных баявых караблёў. Ён дадаў, што ў выніку ВМС ЗША плануюць давесці колькасць такога флоту да 20–25 караблёў.

Новыя лінкары разам са стандартнымі гарматамі і ракетамі будуць абсталяваныя гіпергукавай зброяй, рэйлганамі (электрамагнітная гармата) і магутным лазерным узбраеннем, абвясціў Трамп.