У ГУР удакладнілі наступствы спецаперацыі на ваенным аэрадроме пад Ліпецкам

• 22.12.2025, 15:05

Паражаныя два расійскія Су-30.

У выніку аперацыі Галоўнага ўпраўлення разведкі Міністэрства абароны Украіны (ГУР МО) на аэрадроме пад Ліпецкам (Расія) паражаныя два расійскія Су-30.

Пра гэта ў панядзелак, 22 снежня, паведамілі ў ГУР МО, удакладняючы дадзеныя аб наступствах аперацыі.

Згодна з абноўленай інфармацыяй, у выніку спецаперацыі на ваенным аэрадроме пад Ліпецкам у ноч на 21 снежня былі паражаныя два варожыя шматмэтавыя знішчальнікі Су-30.

Раней 22 снежня ў ГУР паведамілі, што на расійскім ваенным аэрадроме былі спаленыя знішчальнікі Су-30 і Су-27.

Паведамлялася, што аперацыя ГУР была непасрэдна рэалізаваная прадстаўніком руху супраціву злачыннаму расійскаму рэжыму.