На МКАДзе адбылося ДТЗ з удзелам трох аўтамабіляў

• 22.12.2025, 13:28

47-гадовы кіроўца Ford пры перабудаванні не пераканаўся ў бяспецы манеўру.

Усё адбылося сёння раніцай у раёне 28-га км вонкавага кальца МКАД. Паводле папярэдняй інфармацыі ДАІ Мінска, 47-гадовы кіроўца Ford пры перабудаванні не пераканаўся ў бяспецы манеўру і сутыкнуўся з аўтамабілем Lada, які рухаўся ў тым жа накірунку.

Апошні ад удара адкінула на аўтамабіль Audi, які рухаўся ў тым жа накірунку.

У выніку ДТЗ ніхто не пацярпеў. Транспартныя сродкі атрымалі пашкоджанні.