Стала вядома, калі ў Беларусь прыйдзе ўстойлівы мароз і снег

• 22.12.2025, 16:19

Наша краіна апынецца ва ўладзе малаактыўных атмасферных франтоў

Зіма абавязкова наступіць: ужо да сярэдзіны наступнага тыдня ў большасці раёнаў слупкі тэрмометраў устойліва апусцяцца ніжэй за нуль. Ападкі будуць праходзіць пераважна ў выглядзе снегу, утвараючы снежны покрыў. Пра гэта расказаў сіноптык Дзмітрый Рябоў на праўладным АНТ.

У пачатку наступнага тыдня наша краіна апынецца ва ўладзе малаактыўных атмасферных франтоў. Чакаецца пераважна воблачнае надвор'е. На большай частцы тэрыторыі пройдуць дажджы з мокрым снегам. Месцамі туман, уначы і раніцай слабы галалёд, на дарогах галалёдзіца. Вільготнасць да 90%. Уначы чакаецца ад -3°C да +2°C. Удзень у панядзелак слупкі тэрмометраў будуць паказваць ад +1°C да +4°C, у аўторак — ад -2°C да +3°C.

У сярэдзіне тыдня істотных ападкаў не чакаецца. Уначы і месцамі раніцай будзе туманна, на дарогах у асобных раёнах галалёдзіца. Вільготнасць да 80%. У сераду ўначы чакаецца ад -2°C да -7°C, удзень — ад -1°C у Брэсце да -8°C у Віцебску.

Другая палова тыдня таксама не парадуе багатымі ападкамі. Уначы і раніцай чакаюцца слабы туман і галалёд. Вільготнасць да 80%. У начныя гадзіны сіноптыкі прагназуюць ад -5°C да -11°C, удзень у чацвер чакаецца ад -2°C да -8°C, у пятніцу — ад -2°C да -7°C.

На выхадных у некаторых раёнах чакаюцца кароткачасовыя ападкі. Уначы і раніцай — туман, на дарогах галалёдзіца. Вільготнасць знізіцца да 70%. Уначы на тэрмометрах будзе ад -5°C да -10°C, у сярэдзіне дня ў суботу прагназуецца ад -3°C да -6°C, у нядзелю — да -5°C.