Аліеў адмовіўся ўдзельнічаць у саміце кіраўнікоў СНД

• 22.12.2025, 12:37

Кіраўнік Азербайджана адмовіўся ад паездкі нібыта з-за шчыльнага графіка.

Кіраўнік Азербайджана Ільхам Аліеў не прыедзе ў Санкт-Пецярбург на нефармальны саміт лідараў краін СНД 22 снежня, паведамляе агенцтва Azertag. У адміністрацыі краіны патлумачылі, што Ільхам Аліеў не змог узяць удзел з-за «шчыльнага працоўнага графіка».

Раней кіраўнік Азербайджана таксама не прысутнічаў на пасяджэнні Вышэйшага Еўразійскага эканамічнага савета 21 снежня — у адміністрацыі адзначылі, што краіна не з'яўляецца сябрам гэтага органа.

Напярэдадні ў Крэмлі паведамлялі пра планы прыняць Аліева на мерапрыемствах і рыхтаваліся да яго візіту. Пасля таго, як стала вядома, што кіраўнік Азербайджана не прыедзе, прэс-сакратар расійскага лідара Дзмітрый Пяскоў адзначыў, што ў Крэмлі да гэтага ставяцца «з разуменнем».