У Беларусь прыбудзе новая партыя расійскіх знішчальнікаў

• 22.12.2025, 10:28

Мова пра Су-30СМ2.

У снежні 2025 года беларускія Узброеныя сілы атрымаюць чарговую партыю знішчальнікаў Су-30СМ2. Пра гэта паведаміў камандуючы ВПС і войскамі СПА Беларусі Андрэй Лук'яновіч у эфіры тэлеканала СТВ.

Паводле яго слоў, такія самалёты ўжо паступалі ў армію ў маі і жніўні бягучага года, а пераўзбраенне працягваецца на пастаяннай аснове.

«Буквальна цяпер, у снежні, да нас паступіць яшчэ адна партыя Су-30СМ2», — адзначыў Лук'яновіч.

Ён падкрэсліў, што Су-30СМ2 з'яўляецца мадэрнізаванай версіяй знішчальніка Су-30СМ.

Акрамя таго, камандуючы нагадаў, што ў 2025 годзе беларуская армія ўжо атрымала новыя зенітныя ракетныя комплексы «Тор-М2» і ўдарныя верталёты Мі-35М. Таксама працягваюцца закупкі радыёлакацыйных станцый «Восток» і «Роса».