Легенда хакея разнёс Орбана

• 21.12.2025, 22:59

З-за скандальнай заявы пра вайну Расіі супраць Украіны.

Алімпійскі чэмпіён, двухразовы ўладальнік Кубка Стэнлі чэх Дамінік Гашэк адрэагаваў на скандальнае выказванне прэм’ер-міністра Венгрыі Віктара Орбана, які заявіў, што ў вайне Расіі супраць Украіны «не зусім зразумела, хто на каго напаў».

Гашэк апублікаваў допіс у X, у якім асудзіў абсурдную заяву венгерскага палітыка і адзначыў, што такія выказванні дапамагаюць злачынцам.

«Гэта падобна на тое, калі б палітык сказаў, што падчас Другой сусветнай вайны не было зразумела, ці не напалі яўрэі на Гітлера і ягоных прыхільнікаў перад тым, як ён напаў на іх. Ці быццам Польшча напала на Германію і СССР у 1939 годзе. Заявы Орбана дапамагаюць злачынцам дасягаць сваіх мэтаў!», — напісаў Гашэк.

Гашэк з пачатку поўнамаштабнага ўварвання актыўна падтрымлівае Украіну.