Расійскі танкер «Валерый Горчакоў» ідзе на дно: новыя фота

• 21.12.2025, 21:08

Яго атакавалі ЗСУ.

Уначы 18 снежня падчас атакі ЗСУ на Растоў-на-Доне быў пашкоджаны нафтавы танкер «Валерый Горчакоў», кухар і матарыст загінулі, піша Astra.

Танкер пачаў сыходзіць пад ваду — карму судна падтапіла прыкладна да надбудовы. У выніку на танкеры былі ў тым ліку пашкоджаныя хадовая рубка і корпус, у машынным і румпельным аддзяленнях утварыліся прабоіны, узнік пажар. Месца ўдару ачапілі, а сам танкер аператыўна агарадзілі бонамі.

Сухагруз «Валерый Горчакоў» быў пабудаваны ў 1969 годзе. У 2004 годзе яго пераабсталявалі ў нафтавы танкер для перавозкі нафтапрадуктаў усіх класаў.

Танкер знаходзіцца пад санкцыямі ЗША, ЕС, Вялікабрытаніі, Канады і Швейцарыі. Паводле ГУР МА Украіны, сухагруз у тым ліку заходзіў у парты на акупаваных тэрыторыях.