Лукашэнка прывёз Пуціну карціну

• 21.12.2025, 20:36

На ёй — улюбёнае месца сустрэч двух дыктатараў.

Прэс-сакратар Лукашэнкі Наталля Эйсмант паведаміла, што ў Санкт-Пецярбург беларуская дэлегацыя прывезла карціну для Пуціна. Пра гэта паведамляе ТАСС.

Лукашэнка бярэ ўдзел 21 і 22 снежня ў самітах ЕАЭС і СНД.

Ідзе пра карціну, напісаную вядомым беларускім мастаком. На палатне адлюстраваныя краявіды Валаама.

Заўважым, Валаам стаў месцам сустрэч двух дыктатараў. Пуцін і Лукашэнка сустрэкаюцца на гэтым востраве практычна штогод.