Пад Бранскам пасля загадкавай падзеі выбухнуў склад боепрыпасаў

• 21.12.2025, 14:40

Пажар і магутную детанацыю знялі на відэа за 20 км ад межаў Беларусі.

У Бранскай вобласці Расіі, верагодна, быў паражаны склад з боепрыпасамі Узброеных Сіл РФ, там пажар і гучныя выбухі.

У горадзе Навазыбкаў, што ў Бранскай вобласці РФ, у суботу, 20 снежня, было вельмі гучна. Пажар і серыя выбухаў былі зафіксаваныя на вуліцы Мічурына, 44В.

Да такой высновы прыйшлі аналітыкі расійскага незалежнага праекта ASTRA, вывучыўшы фота- і відэаматэрыялы, знятыя відавочцамі.

На кадрах бачныя прыкметы інтэнсіўнага ўзгарання і характэрныя ўспышкі, што сведчыць пра детанацыю боепрыпасаў, якія захоўваліся ўнутры. Гэта сведчыць пра тое, што быў паражаны склад са снарадамі Узброеных Сіл РФ.

Зазначым, што Навазыбкаў знаходзіцца прыблізна за 50 км ад паўночных межаў Украіны і прыблізна за 20 км ад межаў Беларусі.

Будынак, у якім адбыўся інцыдэнт, на картах Google пазначаны як аб’ект пад назвай «Кузня». Мясцовыя жыхары паведамлялі пра моцны пажар і выбухі, якія было чуваць у розных раёнах горада. Пры гэтым афіцыйныя ўлады рэгіёна захоўваюць поўнае маўчанне пра тое, што адбылося.

На фоне інцыдэнту Міністэрства абароны РФ заявіла, што ў ноч на 20 снежня над Бранскай вобласцю быў збіты адзін беспілотнік. Магчыма, аб’ект трапіў пад удар аднаго з украінскіх БПЛА.