У Расіі загадкава знік генерал, які дакладваў Пуціну пра акупацыю Куп'янска

• 21.12.2025, 5:00

Не выключана, што менавіта яго нядаўна знайшлі мёртвым.

У Расіі знік генерал, які нядаўна дакладаў кіраўніку Крамля Уладзіміру Пуціну пра акупацыю горада Куп'янск Харкаўскай вобласці. Не выключана, што менавіта ён — той, каго нядаўна знайшлі мёртвым.

Пра гэта заявіў прэзідэнт Украіны Уладзімір Зяленскі у інтэрв'ю выданню PAP.

У прыватнасці, 20 лістапада расійскі генерал-палкоўнік Сяргей Кузаўлеў даклаў Пуціну, што армія РФ цалкам акупавала Куп'янск. Аднак пазней, 12 снежня, Зяленскі прыбыў у Куп'янск і запісаў адтуль відэа, чым абверг сцвярджэнне РФ пра акупацыю.

Што да генерала, то, судзячы са слоў прэзідэнта, верагодна, ён меў на ўвазе менавіта яго.

«Пуцін часта казаў пра кантроль над гарадамі... мы бачылі відэа, дзе генерал паведамляў пра іх захоп. А потым я паехаў у Куп'янск, і сітуацыя сапраўды была складанай, і лінія фронту была вельмі блізка. Аднак нашы Узброеныя сілы кантралююць Куп'янск», — сказаў Зяленскі.

Далей ён дадаў, што нядаўна была інфармацыя пра тое, што генерала РФ знайшлі мёртвым. Таму кіраўнік дзяржавы не выключае, што гаворка ідзе менавіта пра таго чалавека, якога ён меў на ўвазе.

«Потым гэты генерал знік, хто ведае куды. Учора або пазаўчора была навіна, што яго знайшлі мёртвым. Я думаю, што гэта той самы генерал. Кожную інфармацыю трэба правяраць дзесяць разоў, але калі ён знік бясследна, я зусім не здзіўлюся», — рэзюмаваў прэзідэнт Украіны.