«Вось і адзначай Новы год, як хочаш»

• 20.12.2025, 20:07

Разліковы лісток працаўніцы Добрушскага хлебазавода выклікаў буру эмоцый.

У TikTok, як сцвярджаецца, размясцілі разліковы лісток адной з працаўніц Добрушскага хлебазавода з вельмі сціплай сумай. «Дзе замест машыны людзі ўручную ўжо не першы год упакоўваюць прадукцыю, ніякіх даплат не робяць. Куды глядзіць Гомель — невядома», — адзначыла аўтарка допісу. Аднак рэакцыя каментатараў была неадназначнай: адны падтрымалі ціктокерку, а другія раілі змяніць працу, піша «Зеркало».

Як сцвярджаецца, ціктокерка працуе ўпакоўшчыцай у начныя змены на Добрушскім хлебазаводзе. У разліковым лістку за лістапад гэтага года сума да выплаты ўказаная — 608,7 рублёў. Аднак у ім не прапісаны аванс, адзначыла ў каментарыях да відэа ціктокерка. Па яе словах, месячны заробак складае каля 700 рублёў. Графік працы — дзве ночы праз дзве. Пачатак змены — у 18.00, заканчэнне — у 06.00.

Аднак далёка не ўсе каментатары падтрымалі ціктокерку. Некаторыя раілі ёй змяніць працу і «не ныць».

Вось некаторыя каментары, пакінутыя пад відэа:

«У нашай краіне добра жывём толькі па тэлевізары».

«Ну дык вы па сутнасці адпрацавалі 15 дзён за месяц. Які заробак вы хочаце?»

«Нават не ведаю, што сказаць, калі шчыра».

«Вы хоць упакоўшчык, а ў выхавальніка адказнасці вышэй за дах, а заробак на 250 рублёў больш».

«Хто перашкаджае шукаць іншую працу?»

«Сапраўды жах. І як жыць?»

«Таксама і ў райпо, крама працуе без выходных, а па норме — 151 гадзіна. Мы таксама ў шоку ад заробку».

«Кідай гэтую працу, шукай іншую».

«Замест таго каб наракаць на жыццё, лепш проста пайсці і напісаць заяву па ўласным жаданні».

«Навошта ныць? Вы самі працуеце за гэтыя грошы».

«Малайчына, што не пабаяліся выкласці разліковы лісток на ўсеагульны агляд. Такі заробак у паловы насельніцтва, толькі маўчым і чаго-небудзь баімся».

«У мяне трое дзяцей і такі заробак. Вось і адзначай Новы год, як хочаш».