Скандальны блогер з Гомеля Mellstroy заявіў, што знаходзіцца ў вышуку Інтэрпола

• 20.12.2025, 10:37

Цяпер ён знаходзіцца ў Рэспубліцы Кіпр і не можа яе пакінуць.

Трэш-стрымер Mellstroy (ураджэнец Гомеля Андрэй Бурым), вядомы трансляцыямі азартных гульняў, знаходзіцца ў вышуку Інтэрпола. Пра гэта сам Mellstroy паведаміў падчас стрыму на платформе Kick.

Пры гэтым ён дадаў, што цяпер знаходзіцца ў Рэспубліцы Кіпр і не можа яе пакінуць. Па яго словах, запыт у Інтэрпол быў накіраваны Казахстанам па справе аб арганізацыі нелегальнага казіно.

Незалежных пацвярджэнняў гэтай інфармацыі пакуль няма, у базе Інтэрпола імя Бурыма знайсці не ўдалося, заўважыў The Insider.

У лістападзе Казахстан абвясціў стрымера ў вышук, яго завочна арыштавалі па артыкуле аб незаконным ігральным бізнесе. Прычынай стала рэкламная кампанія казіно Mellstroy.game, арыентаваная ў тым ліку на грамадзян Казахстана.

Прыблізна ў той жа час відэа і лагатыпы Mellstroy былі прызнаныя экстрэмісцкімі матэрыяламі ў Беларусі.