Генштаб ЗСУ пацвердзіў паразанне расійскага ваеннага карабля

• 20.12.2025, 9:54

У судна трапілі некалькі БПЛА.

Сілы абароны Украіны ў ноч на 19 снежня паспяхова паразілі дронамі расійскі ваенны карабель праекта 22460 «Ахотнік», які патруляваў непадалёк ад нафтагазаздабыўнай платформы ў Каспійскім моры, пацвердзіў Генштаб ЗСУ ў суботу, 20 снежня.

Па дадзеных вайскоўцаў, у судна трапілі некалькі БПЛА, ступень пашкоджання і бартавы нумар удакладняюцца.

Аперацыю ажыццявілі Сілы спецыяльных аперацый ЗСУ. У паведамленні ССА сказана, што карабель праекта «Ахотнік» — гэта сучаснае расійскае патрульнае судна другога рангу, якое мае магчымасці для аховы марской мяжы, патрулявання і кантролю марской абстаноўкі. Такія караблі маюць узбраенне і абсталяванне для выканання шырокага спектру задач у прыбярэжных водах.

Таксама Сілы абароны паразілі буровую платформу «Лукойла» на нафтагазавым радовішчы імя Філанаўскага ў Каспійскім моры. Аб’ект здабывае нафту і газ і прыцягнуты да забеспячэння расійскай акупацыйнай арміі.

Генштаб ЗСУ таксама паведаміў пра паразанне радыёлакацыйнай сістэмы РСП-6М2 у раёне Краснасельскага на часова акупаванай тэрыторыі Крыма. Яна рэгулюе рух паветраных суднаў, у тым ліку ва ўмовах дрэннай бачнасці.