На амерыканскай авіябазе адбылася страляніна

• 20.12.2025, 3:59

Што вядома.

Невядомы адкрыў агонь на авіябазе Люк у амерыканскім штаце Арызона. На працягу прыкладна 50 хвілін на вайсковай базе дзейнічаў рэжым ізаляцыі.

«56-я эскадрылля сіл бяспекі і мясцовыя праваахоўныя органы неадкладна адрэагавалі і ачысцілі пацярпелы раён», — гаворыцца ў паведамленні адміністрацыі авіябазы ў Facebook.

Інфармацыі пра пацярпелых няма. Сенатар ад Арызоны Рубэн Гальега у публікацыі ў сацсетцы X заклікаў усіх, хто знаходзіцца паблізу авіябазы, быць асцярожнымі.

Паводле адкрытых даных, на авіябазе Люк працуе каля 10,5 тыс. чалавек, у тым ліку 3 тыс. грамадзянскіх. На ёй вайскоўцы ЗША праходзяць навучанне палётам на знішчальніках F-16 і F-35.