Трамп расказаў пра стан свайго здароўя

• 2.12.2025, 22:03

Прэзідэнт ЗША нядаўна прайшоў медыцынскае абследаванне.

Прэзідэнт ЗША Дональд Трамп паведаміў, што ў яго моцнае здароўе, і гэта пацвярджаюць нядаўна пройдзеныя ім абследаванні. Пры гэтым прэзідэнт паабяцаў паведаміць пра праблемы са здароўем, калі яны ўзнікнуць.

«Я паведамлю вам, калі нешта будзе не так. Калі-небудзь гэта здарыцца з намі ўсімі. Але цяпер, думаю, я нават у больш ясным розуме, чым 25 гадоў таму. <...> Дарэчы, я прайшоў медагляд, атрымаў адны пяцёркі, усё выдатна», — сказаў прэзідэнт, выступаючы на пасяджэнні свайго кабінета, трансляцыю вядзе Белы дом на YouTube.

Напярэдадні Белы дом апублікаваў вынікі медыцынскага абследавання Трампа. Вынікі паказваюць, што ягонае здароўе ў межах нормы, паведаміў лечачы лекар прэзідэнта Шон Барбарэлла. Таксама рэспубліканец паведаміў, што паспяхова прайшоў кагнітыўны тэст і атрымаў «выдатную адзнаку».