Самалёт высадзіў расіян пасярод казахскага стэпу

• 2.12.2025, 19:14

Пасажыры адмаўляюцца пакідаць самалёт.

Расіяне адмовіліся пакідаць борт самалёта пасля прызямлення пасярод стэпу ў Казахстане. Пра гэта паведаміў Telegram-канал Baza.

«Борт прызямліўся ў іншым горадзе за тысячу кіламетраў ад пункта прызначэння (Актобе) — пасажыраў заклікаюць высадзіцца дзесьці ў стэпе каля Актау», — гаворыцца ў паведамленні.

Спачатку рэйс з Турцыі затрымалі на восем гадзін, а час палёту склаў шэсць гадзін замест трох. Пасля таго, як самалёт прызямліўся не ў тым месцы, расіяне адмовіліся пакідаць паветранае судна. Яны не ведаюць, як дабрацца дадому ўласнымі сіламі. Частка расіян таксама асцерагаецца праблем з міграцыйнай службай.