Стала вядомая важная інфармацыя пра сустрэчу Пуціна з Уіткофам і Кушнерам

• 2.12.2025, 14:33

Самалёт прызямліўся ў Маскве.

Кіраўнік РФ Уладзімір Пуцін у аўторак пасля 17:00 (па Мінску) сустрэнецца ў Крэмлі са спецпрадстаўніком прэзідэнта ЗША Стывам Уіткофам і зяцем амерыканскага прэзідэнта Джарэдам Кушнерам, паведаміў Крэмль.

«Пасля 17:00 пачнецца расійска-амерыканская сустрэча. Пуцін у Крэмлі прыме пана Уіткофа, галоўнага амерыканскага перамоўшчыка па ўкраінскіх пытаннях, які прыбудзе сюды. Разам з ім будзе таксама Джарэд Кушнер, і адбудзецца размова», — сказаў журналістам прэс-сакратар прэзідэнта РФ Дзмітрый Пяскоў.

Перамовы працягнуцца столькі, колькі спатрэбіцца, дадаў ён.

Самалёт, на борце якога, меркавана, знаходзіцца Уіткоф, прызямліўся ў Маскве, паведамаміла агенцтва Інтэрфакс са спасылкай на авіяцыйныя службы.