Памёр легендарны футбаліст кіеўскага «Дынама» Уладзімір Мунтян

• 2.12.2025, 10:25

Яму было 79 гадоў.

Памёр легендарны ўкраінскі футбаліст і трэнер Уладзімір Мунтян. Яму было 79 гадоў.

Пра яго смерць паведаміла прэс-служба «Дынама».

Паведамляецца, што ён «сышоў у іншы свет пасля барацьбы з працяглай хваробай».

За «бела-сініх» ён гуляў 12 гадоў (1965-1977). У складзе «Дынама» Уладзімір сем разоў становіўся чэмпіёнам СССР, двойчы заваёўваў нацыянальны Кубак, таксама стаў уладальнікам Кубка Кубкаў і Суперкубка УЕФА ў 1975 годзе.

Па выніках 1970 года быў прызнаны футбалістам года ва Украіне. За зборную СССР забіў 7 галоў у 49 матчах. Стаў віцэ-чэмпіёнам Еўра-1972.

Пасля гульнявой кар'еры Мунтян пачаў трэнерскую. У канцы 1980-х два гады працаваў на Мадагаскары.

З 1992 па 1994 год узначальваў моладзевую зборную Украіны, а затым нядоўгі час быў выконваючым абавязкі галоўнага трэнера нацыянальнай каманды. Таксама трэніраваў зборную Гвінеі (1995-1997).

Узначальваў ФК «Чаркасы», «Таврыю», «Абалонь», «Аланію» (Расія), «Крыўбас», «Ворсклу», уваходзіў у трэнерскі штаб «Дынама» і «Дынама-2».

У 2020 годзе быў узнагароджаны Ордэнам князя Яраслава Мудрага V ступені.