Італія афіцыйна зацвердзіла новы пакет ваеннай дапамогі Украіне

• 2.12.2025, 9:40

Пералік мае грыф «сакрэтна».

Італія афіцыйна зацвердзіла 12-ы пакет ваеннай дапамогі Украіне.

Пра гэта паведамляе Афіцыйны веснік Італіі.

На падставе ўказа, падпісанага міністрам абароны Італіі Гвідо Крозета і ўзгодненага з кіраўнікамі МЗС і Мінэканомікі, урад Украіны атрымае чарговую партыю ваенных матэрыялаў, тэхнікі і абсталявання.

З меркаванняў бяспекі, поўны пералік перададзенай маёмасці (складзены Генеральным штабам Італіі) мае грыф «сакрэтна» і публічна не раскрываецца.

Указ вызначае, што тэхніка і матэрыялы перадаюцца бязвыплатна і будуць спісаныя з уліку.

Адначасова адзначаецца, што вопіс узбраення будзе весціся выключна для ўліку, а тэрміны перадачы павінны быць максімальна сціснутымі.