Ігар Эйдман: Пуцін унушае расіянам, што лабатамія без наркозу — гэта не балюча

• Ігар Эйдман
• 19.12.2025, 20:46

Нічога не змяняецца, сёння было ўсё тое самае.

Канспіролагі разважаюць пра нейкіх двайнікоў-трайнікоў Пуціна: «Удмурт», «Банкетны», «Гаварун» і гэтак далей. Усё гэта, вядома, лухта. Пуцін выступае сам. Аднак у сваіх выступах, у тым ліку і сёння, ён паслядоўна змяняе некалькі масак-вобразаў.

1. Пакрыўджанка-пакінутка. Нуднае скавытанне пра тое, як яго пакрыўдзіў Захад, вадзіў за нос, паматросіў і кінуў, адмовіў у павазе, не стаў лічыцца.

2. Я не вінаватая! Спробы апраўдацца за тое, што пачаў вайну. Гэта не я, «ён сам прыйшоў», то бок ворагі першыя пачалі, у нас не было іншага выбару. Калі б мы не бамбілі Кіеў, Захад прымусіў бы нас уступаць у аднаполыя шлюбы і маліцца гендарна-нейтральнаму богу.

3. Кашпіроўскі. У вас усё добра, эканоміка ў парадку, фінансы таксама, (спец)аперацыя ідзе паводле плану, вы расслабленыя, вам не балюча, не страшна, не горка, вы не бачыце акрываўлены скальпель ля горла. Пуцін спрабуе быць Кашпіроўскім, унушаючы расіянам, якім робяць лабатамію без наркозу, што ім не балюча.

4. Таксіст. Бязладная балбатня тупога і малапісьменнага таксіста, які спрабуе ўразіць пасажыраў: «за гісторыю» і «за палітыку». Ленін па заданні аўстра-венграў стварыў Украіну, за гэта мы яго выпатрашылі і паклалі ў Маўзалей. Потым нацысты ў біялабараторыі ЦРУ стварылі баявога Зяленскага, які восем гадоў домбіў Бомбас. Ну нешта ў гэтым родзе.

5. Гопнік. Ад пакрыўджанага скавытання і апраўданняў пераходзіць да спроб наязджаць, хаміць і шантажаваць. Дзядзечка, дай рубель, а то ў пысу плюну, у мяне сіфіліс. Так ён спрабуе запалохваць Захад і ўвесь свет ядзернай вайной.

Ігар Эйдман, Telegram