Сікорскі «ўручыў» Орбану ордэн Леніна

• 19.12.2025, 20:31

За «прадухіленне непазбежнай пагрозы вайны».

Віцэ-прэм'ер і міністр замежных спраў Польшчы Радаслаў Сікорскі пакпіў з венгерскага прэм'ер-міністра Віктара Орбана, які пахваліўся, што здолеў прадухіліць «непасрэдную пагрозу вайны» на саміце ЕС.

Пра гэта паведамляе «Еўрапейская праўда».

У сваім X Орбан у пятніцу раніцай пракаментаваў вынікі пасяджэння Еўрапейскага савета, дзе замест «рэпарацыйнай пазыкі» Украіне ўдалося дамовіцца пра сумеснае запазычанне 24 дзяржаў ЕС на 90 мільярдаў еўра.

«Мы перажылі доўгую і цяжкую ноч. Нам удалося прадухіліць непасрэдную пагрозу вайны. Мы не дазволілі Еўропе абвясціць Расіі вайну, выкарыстоўваючы расійскія актывы», – напісаў прэм'ер Венгрыі.

У адказ Сікорскі напісаў «Віншую», дадаўшы фатаграфію ордэна Леніна.