Экс-спічрайтэр Буша Фрум: Трамп перайшоў на бок Расіі

• 19.12.2025, 19:50

Журналіст адзначыў, што прэзідэнт ЗША і яго «вярхушка» блакуюць дапамогу Украіне.

Прэзідэнт ЗША Дональд Трамп перайшоў на бок Расіі, лічыць амерыканскі журналіст і былы спічрайтэр прэзідэнта ЗША Джорджа Буша Дэвід Фрум. Пра гэта ён сказаў у падкасце The Hub.

«Ніякіх ваганняў няма. Яны — на баку Расіі. І пераходзяць ад ролі пасярэдніка, які спрыяе Расіі, да ролі прамога саюзніка расійскага пункту гледжання», — адзначыў ён.

Паводле Фрума, амерыканцам цяпер «цяжка ўсвядоміць маштаб адносін», якія звязваюць Трампа і Расію. Журналіст адзначыў, што Трамп і яго «вярхушка» блакуюць дапамогу Украіне, «дзе можа», і таму Трамп заняў прарасійскую пазіцыю.