У пустыні ў Саудаўскай Аравіі выпаў снег

• 19.12.2025, 19:26

Відэафакт.

У сярэдзіне снежня ў гарах і пустынях Саудаўскай Аравіі выпаў снег. Пра гэта паведаміў тэлеканал «Аль-Іхбарыя» ў сацыяльнай сетцы X.

Рэдкая для Аравійскага паўвострава з’ява назіралася ў некалькіх рэгіёнах краіны. На кадрах, апублікаваных журналістамі, можна ўбачыць снег, што пакрыў горы Неома ў Троджэне і Аль-Лоуз у Табуку. У некаторых мясцовасцях тэмпература апусцілася ніжэй за нуль, а на дарогах утварылася галалёдзіца. У сувязі з непагаддзю ў сталіцы Саудаўскай Аравіі, Эр-Рыядзе, школьнікаў перавялі на дыстанцыйнае навучанне. Паводле прагнозаў сіноптыкаў, у паўночных раёнах краіны можа выпасці яшчэ больш снегу.