Украінская разведка паказала відэа спецаперацыі ў Запарожскай вобласці

• 19.12.2025, 18:27

Падарвалі чыгунку і дабілі з паветра.

Байцы Легіёна «Свабода Расіі», якія дапамагаюць абараняць Украіну, у лістападзе падарвалі важную чыгуначную артэрыю акупантаў у Запарожскай вобласці, паведамляе Галоўнае ўпраўленне разведкі Міністэрства абароны Украіны ў Telegram.

У разведцы адзначылі, што ў лістападзе на чыгунцы паміж часова акупаванымі вёскамі Вясёлае і Новаўспенаўка Запарожскай вобласці прагрымеў выбух. Такім чынам была перарэзана адна з ключавых лагістычных артэрый ворага ў рэгіёне.

У выніку аперацыі Легіёна «Свабода Расіі» сышоў з рэек магістральны цеплавоз 2М62 і 25 грузавых вагонаў. Рух па гэтай чыгуначнай ветцы спыніўся.

«Паспяховую аперацыю разведчыкаў завяршыў авіяўдар Сіл абароны Украіны. Атака з паветра знішчыла ваенныя грузы, якія пачалі назапашвацца непадалёк, чакаючы аднаўлення руху», — паведамілі ў ГУР.