СМІ: У Турцыі выявілі расійскі разведвальны дрон

• 19.12.2025, 18:16

Згодна з папярэдняй інфармацыяй, гэта «Арлан».

У Турцыі разбіўся расійскі разведвальны беспілотнік. Яго выявілі ў сельскай мясцовасці, паведамляе Haber 7.

Па дадзеных выдання, у раёне Ізміт, які знаходзіцца на поўдні Турцыі, мясцовыя жыхары паведамілі ўладам аб выяўленні дрона.

Haber 7 піша, што беспілотнік выявілі ў полі ў сельскай мясцовасці. Пасля паведамлення на месца былі накіраваныя падраздзяленні жандармерыі. Па факце падзення беспілотніка распачата расследаванне.

Згодна з папярэдняй інфармацыяй, гэта быў расійскі разведвальны беспілотнік «Арлан». Такія дроны выкарыстоўваюцца ў разведвальных мэтах і не ўтрымліваюць выбуховых рэчываў.