СБУ трэці раз нанесла ўдар па нафтавай платформе РФ у Каспійскім моры

• 19.12.2025, 17:18

Яна належыць «Лукойлу».

Дальнабойныя беспілотнікі Службы бяспекі Украіны паразілі трэцюю нафтаздабыўчую платформу РФ у Каспійскім моры, якая належыць кампаніі «Лукойл».

Пра гэта РБК-Украіна паведаміла крыніца ў СБУ.

Паводле звестак крыніцы ў СБУ, гэтым разам удару падверглася буровая ўстаноўка на радовішчы «Ракушэчнае» (імені Валерыя Грайфера), якая належыць расійскай кампаніі «Лукойл».

Бортавая камера беспілотніка зафіксавала паспяховае траплянне ў раён газатурбіннай устаноўкі платформы, што з'яўляецца крытычным элементам яе працы.

Раней дроны СБУ ўжо паражалі лёдастойкія нафтаздабыўчыя платформы на радовішчах імя Філанаўскага і імя Карчагіна ў Каспійскім моры.

У выніку на гэтых аб'ектах спыняліся вытворчыя працэсы.