Трамп заінтрыгаваў заявай пра будучыню Мадуры

• 19.12.2025, 14:56

Прэзідэнт ЗША не выключыў магчымай вайны з Венесуэлай.

Прэзідэнт Злучаных Штатаў Дональд Трамп не выключыў у будучыні магчымай вайсковай кампаніі супраць Венесуэлы.

Пра гэта паведамляе NBC News.

«Я гэтага не выключаю, не», - сказаў Трамп у эфіры тэлеканала.

Прэзідэнт таксама анансаваў узмацненне мер у дачыненні да нафтавых танкераў ля берагоў Венесуэлы, у прыватнасці іх блакіроўку.

«Усё залежыць ад іх (урада Венесуэлы - рэд.). Калі яны працягнуць маршруты, то паплывуць да аднаго з нашых партоў», - дадаў прэзідэнт ЗША.

Пры гэтым NBC News адзначае, што Трамп адмовіўся адказваць на пытанне, ці з'яўляецца звяржэнне венесуэльскага прэзідэнта Нікаласа Мадуры канчатковай мэтай ягонай палітыкі ў гэтым кірунку.

«Ён дакладна ведае, чаго я хачу», - адказаў прэзідэнт ЗША.