ISW: Расія перайшла ў «нулявую фазу» падрыхтоўкі да вайны з НАТА

• 19.12.2025, 10:58

Схаваныя і адкрытыя атакі супраць Еўропы ўзмацніліся.

Расія ўзмацняе атакі супраць Еўропы і ўжо перайшла ў «нулявую фазу» падрыхтоўкі да магчымай вайны з НАТА.

Пра гэта паведамляецца ў справаздачы Інстытута вывучэння вайны (ISW).

Аналітыкі адзначаюць, што Расія ўзмацняе свае схаваныя і адкрытыя атакі супраць Еўропы.

Масква перайшла ў «нулявую фазу» — фазу стварэння інфармацыйных і псіхалагічных умоў — для падрыхтоўкі да магчымай вайны паміж НАТА і Расіяй у будучыні.

«Падзея 17 снежня стала першым выпадкам, зафіксаваным ISW, калі расійскія вайскоўцы ў форме перасеклі тэрыторыю краіны НАТА з пачатку расійскіх намаганняў у межах «нулявай фазы» ў верасні 2025 года», — адзначылі ў Інстытуце вывучэння вайны.

Нагадаем, што трое расійскіх памежнікаў у сераду, 17 снежня, перасеклі мяжу краіны-члена НАТА Эстоніі і прыкладна на 20 хвілін зайшлі на тэрыторыю краіны.