Еўрасаюз ухваліў прадастаўленне Украіне дапамогі на €90 мільярдаў

• 19.12.2025, 8:08

Беспрацэнтную пазыку трэба будзе вярнуць толькі пасля таго, як РФ выплатзіць рэпарацыі.

Удзельнікі саміту ЕС узгаднілі прадастаўленне Украіне 90 млрд еўра на працягу 2026–2027 гадоў.

Аб гэтым паведамляе РБК-Украіна са спасылкай на прэзідэнта Еўрапейскага савета Антоніу Кошта у сацсетцы X.

«У нас ёсць пагадненне. Рашэнне аб прадастаўленні Украіне падтрымкі ў памеры 90 мільярдаў еўра на 2026–27 гады было ўхвалена. Мы ўзялі на сябе абавязанні, мы іх выканалі», — напісаў Кошта.

Канцлер Германіі Фрыдрых Мерц дадаў, што гэта будзе беспрацэнтная пазыка.

«Гэта ясны сігнал з Еўропы Пуціну: гэтая вайна таго не вартая. Мы замарозім расійскія актывы, пакуль Расія не кампенсуе Украіне страты», — адзначыў ён у сацсетцы X.

Паводле слоў Мерца, Украіна павінна будзе вярнуць крэдыт толькі пасля таго, як РФ выплатзіць рэпарацыі.