У ўрадзе Японіі выказаліся за валоданне ядзернай зброяй

• 18.12.2025, 21:21

Краіна атачана суседамі з ядзернай зброяй.

Японіі неабходна валодаць ядзернай зброяй, заявіў журналістам чыноўнік адміністрацыі прэм'ер-міністра краіны Санаэ Такаічы, які курыруе пытанні бяспекі, падчас неафіцыйнай размовы на ўмовах, якія прадугледжваюць няразгалошванне крыніцы (па-за запісам), перадае Kyodo.

«Урэшце-рэшт мы можам разлічваць толькі на сябе», — патлумачыў пазіцыю прадстаўнік адміністрацыі японскага прэм'ера.

Пры гэтым ён дадаў: «Гэта не тое, што можна набыць у кругласутачнай краме, гэта не пытанне бліжэйшай будучыні».

Прадстаўнік урада адзначыў, што не абмяркоўваў з прэм'ерам магчымасць перагляду «трох бяз'ядзерных прынцыпаў», і падкрэсліў, што гэтая праблема можа раскалоць грамадскую думку ў Японіі. Kyodo піша, што заява можа выклікаць крытыку і за межамі краіны.